Мас күйде көлік жүргізген әкім ұсталды
Мас күйде көлік жүргізгені үшін Ақтоғай ауданындағы Кежек ауылдық округінің әкімі қатаң тәртіптік жауапкершілікке тартылды.
08:00 29.01.2018
Шенеунік Мейірхан Мәкенбаев ішімдік ішіп алып өзінің қызметтік «Нива» көлігінің руліне отырған. Оны жол полициясы Ақтоғай ауданындағы Жалаңаш ауылының жанында тоқтатады.
Тәртіп бұзушылық жағдайының қалай болғанын әдеп жөніндегі кеңес отырысында Мемлекеттік қызмет істері және сыбайлас жемқорлыққа қарсы іс-қимыл департаментінің бас маманы Дәурен Оразбаев айтып берді.
Оның сөзінше, шенунікте жүргізу куәлігі де болмаған, арнайы сараптама оның ішкенін көрсеткен.
«Кежек ауылдық округінің әкіміне қатысты материал Әдеп кеңесінің қарауына жіберілді», - деді Дәурен Оразбаев.
Әдеп кеңесінің мүшелері әріптестерінің бұл әрекетін айыптады.
Кеңес төрағасы Жандос Сәрсенов кеңес мүшелерімен бірлесе отырып, ауыл әкімін қатаң тәртіптік жауапкершілікке тарту туралы шешім қабылдады.
ДЕРЕККӨЗ: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
