Жеңілмеген қазақстандық боксшы Заб Джуданы жекпе-жекке шақырды

Батыр Жүкембаев кәсіпқой бокста 11 жекпе-жек өткізіп, оның бәрінде жеңіске жеткен. Қазақстандық боксшы Батыр Жүкембаев екі салмақ дәрежесіндегі бұрынғы әлем чемпионы Заб Джудамен жұдырықтасуға ниетті екенін мәлімдеді. Жүкембаевтың мүддесін қорғайтын канадалық Eye of the Tiger M промоутерлік компаниясы Twitter-дегі парақшасында бұл жаңалыққа түсініктеме беріп, қазақстандық боксшымен жекпе-жек ұйымдастыруды ұсынды.  Айта кетейік, Батыр Жүкембаев кәсіпқой бокста 11 жекпе-жек өткізіп, бәрінде жеңіске жеткен, оның 9-ын нокаутпен аяқтаған.