ФОТО: Кабананга Сауд Арабия клубына ауысты
"Астана" мен Конго Демократиялық Республикасының шабуылшысы Жуниор Кабананга бүгін Сауд Арабия біріншілігінде өнер көрсететін клубқа ауысты.
11:04 31.01.2018
31 қаңтар күні 28 жастағы шабуылшының ауысқаны туралы эр-риядтық "Аль-Наср" клубы хабарлады. Жаңа клубымен шабуылшы 2,5 жылдық келісімшарт жасапты.
Немістің Transfermarkt порталының мәліметі бойынша, бұл трансфердің құны - 2 миллион болыпты. Ал негізі шабуылшының футбол нарығындағы бағасы - 1,8 миллион еуро деп бағаланған болатын.
Шабуылшы Эр-Риядқа келіп үлгерген. Кабананга жаңа командасы сапында 3 ақпан күні бірінші кездесуін өткізуі мүмкін.
"Астана" сапында бұл шабуылшы 2015 жылдың жазынан бері өнер көрсетіп келеді. 2016 жылғы маусымның бірінші айналымын ол түркиялық "Карабюспорт" клубында өткізде. Жалпы "Астана" сапында ол 94 кездесуге қатысып, 37 гол және 9 нәтижелі пас берді.
Дереккөз: vesti.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
