Зарина Дияс Моникадан жеңіліп қалды
Қазақстандық Зарина Дияс Тайбэй турнирінде румыниялық Моника Никулескумен күш сынасты.
14:55 31.01.2018
Бірінші партия румыниялық теннисшінің айқын басымдылығымен өтіп, Зарина бірде-бір геймді ала алмай, 0:6 есебімен жеңіліс тапты.
Екінші партияда қайратына мініп, ойын тізгінін қолға алған З.Дияс өз геймдерін алумен бірге екі мәрте брейк жасап, есепті 5:1-ге жеткізді. Бұдан кейін өзі доп берген геймді ұту қиын болған жоқ. Сөйтіп 6:1 есебімен есе қайырды.
Үшінші, шешуші партияны бірден брейкпен бастаған Зарина өз геймін де бермей, 2:0 есебімен алға шықты.
Ақыры 2 сағат 2 минутқа созылған матчта Никулеску үшінші партияда 6:4 есебімен жеңіске жетті.
Жалпы, соңғы кезде Заринаның Румыния елінің өкілдерімен кездесуінде жолы болмай жүр. Бұдан бұрын ол Австралия ашық біріншілігінің алғашқы айналымында Сорана Кырстядан ұтылып қалған болатын.
Дереккөз: vesti.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
