Стамбұл халқының саны бойынша 129 елді басып озды
Түркияның халық тығыз қоныстанған провинциясы - Стамбұл (15,29 миллион адам) халық саны бойынша 129 елді артқа қалдырды.
16:50 05.02.2018
«Анадолы» агенттігі Түркия статистика институты мен БҰҰ Халық саны қорына сілтеме жасай отырып хабарлағандай, Стамбұлда Түркия халқының (80,81 миллион адам) 18,6 проценті тұрып жатыр.
Стамбұлдың тұрғындары саны бес жылдың ішінде 868764 адамға немесе 6,1 пайызға өскен.
Стамбұл халық саны бойынша 129 елді, соның ішінде Бельгияны (11,4 миллион адам), Грекияны (11,2 миллион адам), Португалияны (10,3 миллион), Швецияны (9,9 миллион) және Әзербайжанды (9,8 миллион) артта қалдырды.
ДЕРЕККӨЗ: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
