Қытайда жол опырылып, 8 адам ажал құшты

Қытайда жаңадан салынып жатқан метро құрылысында апат болып, 8 адам қаза тапты. Жазатайым оқиға сәрсенбі күні кешкісін Қытайдың оңтүстігіндегі Гуандун провинциясының Фошань қаласында болған. Хабарларға қарағанда оқыс оқиға салдарынан тоғыз адам жарақат алған, тағы үш адам із-түзсіз жоғалып кеткен. Астынан метро өтуі тиіс жолдың бір бөлігі опырылып түскен. Оның себептері әзірше белгісіз. Факт бойынша тексерістер басталды. Дереккөз: Синьхуа агенттігі