Америкалық әйел шіркеуден шыға сала өзінің екі көзін ойып алды

Оңтүстік Каролина (АҚШ) тұрғыны шіркеуден шыққаннан кейін өзінің екі көзін де ойып алды. Полицейлер жанарын жұлып алған әйелді шіркеудің жанынан байқап қалып, оны дереу жақын маңдағы емханалардың біріне жеткізіпті. Аласұрған адамды тыныштандыруға және емдеуге 3 тәртіп сақшысы мен 2 дәрігер күш жұмсаған. Қазір науқастың жағдайы тұрақты. Десе де, өз-өзіне қастандық жасауының себебі әлі белгісіз болып отыр. Куәгерлердің айтуынша, әйел шіркеуден шыққан кезде одан бейәдеп іс-қимыл байқалмаған, өзін қалыпты адамдарша ұстаған екен.