Дмитрий Рейхерд Олимпиада ойындарының жүлдесіне іліге алмады
Фристайлдың могул түрінен Пхенчанда өтіп жатқан қысқы Олимпиада ойындарында ел намысын қорғаған 29 жастаңы Дмитрий Рейхерд жарыстың финалдық кезеңіне шыға алмады.
07:00 13.02.2018
Отандасымыз бірінші финалда 79.77 ұпай жинап, алтыншы орынмен екінші финалға шықты. Ал бұл сында бақ сынаған тағы бір отардасымыз Павел Колмаков болса бірінші финалда 78.22 ұпаймен 11 орын жайғасып, екінші финалға өтті.
Екінші финалда алдымен Колмаков өнер көрсетіп 76.10 ұпаймен 7 орынға жайғасып, шешуші финал жолдамасынан қағылды.
Ал Рейхерд болса жарыс жолында қателік жіберіп, небәрі 58.64 ұпай жинады. Осылайша ол 8 орынға жайғасып, үшінші финалға шыға алмады.
ДЕРЕККӨЗ: Vesti.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
