17 жасында Олимпиада чемпионы атанды
АҚШ сноубордшысы Хлоя Ким хаф-пайп бойынша Қысқы Олимпиада ойындарының чемпионы болды.
10:17 13.02.2018
Оның жасы небәрі 17 жаста. Уыздай жас Хлоя 98,25 ұпай жинады.
Ал екінші орынды қытайлық спортшы қызы Лю Цзяюй (89,75), үшінші орынды америкалық Ариэль Голд (85,75) жеңіп алды.
Америка сноубордшылары бұл спорттың үш түрі бойынша үш алтынға ие болды.
Осыған дейін 17 жастағы Редмонд Джерард пен 27 жастағы Джейми Андерсон ерлер мен әйелдер слоупстайлынан жеңген болатын.
Айта кетсек, АҚШ қоржынында алты медаль, үшеуі - алтын, біреуі - күміс, екеуі - қола.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
