ВИДЕО: Қараусыз қалған гаражда удай қымбат автомобиль топтамасы табылды
АҚШ-та Солтүстік Каролинада иесіз қалған гаражда құны 4 миллион долларға татырлық сирек кездесетін автомобильдер топтамасы табылды.
10:48 13.02.2018
Үй мен гараж 27 жыл бойы қаңырап бос тұрыпты. Сондықтан оны сүріп тастау керек деп шешім шығарыпты. Гаражды ашып қараса, шаң басып, тышқан мен тарақанның мекеніне айналған бірнеше 60-жылдардың сирек кездесетін классикалық үлгідегі автомобильдері тұр. Оның ішіндегі екі автомиобиль коллекционерлер үшін таптырмас дүние - 1966 жылғы Феррари 275 GTB/2 Long Nose және 1967 жылғы Shelby Cobra 427.
Солтүстік Каролинадағы қараусыз қалған гаражда өте қымбат классикалық автомобильдердің табылғаны туралы роликтен қараңыз.
1966 жылы шығарылған Ferrari 275 GTB/2 көлігі онша тозбаған, құны 3 млн. долларға барады.
Қаншама жыл қараусыз қалып тарақандар мен тышқанның жеміне айналса да, автомобильдің күйі жарамды деуге болады. Ал қалған автомобильдердің тозығы жеткен.
Гаражға сарапшы мамандар келіп, машиналарды үлкен сақтықпен мұқият тиеп әкетті. Енді көліктерді қалпына келтіріп, жөндеп, жарыссаудаға шығарады.
Әрине, жөнделіп, жаңартылған коллекциялық үлгілердің құны біршама қымбаттайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
