ФОТО: Ғарыштан түсірілген Балқаш көлі
Ресейлік ғарышкер Антон Шкаплеров ғарыштан Балқаш көлін суретке түсіріп алды.
18:21 14.02.2018
Ол ерекше фотосуретті желідегі парақшасында жариялады.
“Ғарышқа ұшқан сайын осы суретті жасауға тырысамын. Менің ғарышқа үшінші рет ұшуым және Балқаш көлінің үшінші суреті. Бұл – Жер бетіндегі құрлық ішінде орналасқан ағынсыз ірі көлдердің бірі. Ол Қазақстанда орналасқан”, — деп бөлісті Шкаплеров.
Шкаплеров ғарышта болған уақытында неше түрлі суреттер жасағанды ұнатады. Оның фото-топтамасында Байқоңырдың суреті де бар.
Айта кетейік, Антон Шкаплеров — ресейлік сынаушы-ғарышкер әрі ресейлік ВВС-дің полковнигі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
