50-ден астам адам тандыр наннан уланып, ауруханаға түсті
Науқастар ұн құрамындағы улы өсімдік гелиотроптан зардап шеккен.
18:18 23.02.2018
Тәжікстанда улы ұннан жасалған тандыр нан жеген 50-ден астам адам ауруханаға түсті.
Таулы-Бадахшан автономды облысы Ишкашим ауданында он алты бала мен 38 ересек адам зардап шеккен.
"Бәрі де дәрігерлердің ерекше бақылауына алынған. Жағдайлары жақсарған соң, ауруханадан шығарылады", — деп атап өтті Тәжікстанның денсаулық сақтау және халықты әлеуметтік қорғау министрлігі.
Тәжіктерде бастапқы ауру нышандары 17 қаңтарда байқалыпты.
Сөйтсе, дертке шалдыққандардың бәрі құрамында улы өсімдік – гелиотроп бар ұннан жасалған тандыр нан жеген екен.
31 қаңтарда уланып қалған 11 жастағы бала көз жұмды.
Дереккөз: Sputnik Тәжікстан
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
