Норвегия Олимпиада ойындарында жаңа рекорд орнатты
Олар бүгін медальдар санын 38-ге жеткізді.
15:42 24.02.2018
Оңтүстік Кореяда өтіп жатқан Олимпиада ойындарында Норвегия құрамасы медальдар саны бойынша жаңа рекорд орнатты.
Бұл қысқы Олимпиада ойындары тарихындағы жаңа рекорд.
Осыған дейін АҚШ құрамасы 2010 жылы Ванкуверде өткен Олимпиада ойындарында жалпы 37 медаль жеңіп алған болатын.
Оның 9-ы алтын, 15-і күміс, 13-і қола медаль. Алайда, алтын медальдар саны жағынан жалпы есепте Канада, Германиядан кейінгі үшінші орынға ие болған еді.
Міне, араға 8 жыл салып, Норвегия бұл рекордты бұзды. Олар қазір Пхенчхан Олимпиадасында 13 алтын, 14 күміс және 11 қола (38) медальмен көш бастап келеді.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
