Пхенчханда норовирус жұқтырған адам саны 323-ке жетті

Оңтүстік Кореяның Пхенчхан қаласының олимпиадалық аумағында норовирус жұқтырған адам саны 323-ке жетті. Бұл туралы Олимпиаданың ұйымдастыру комитетінің басшысы Ли Хи Бом мәлімдеді.  "Ойын кезінде 323 адам норовирус жұқтырды, оның 18-і карантинде қалады", – деді ұйымдастыру комитетінің басшысы.  Вирус Олимпиада ойындары басталмай тұрып бас көтерген. Басында бірнеше күзетшіге жұққан. Кейін спортшылардан да норовирус табылды.  Пхенчхандағы Олимпиада ойындары 25 ақпанда аяқталады.