Головкиннің қарсыласы белгілі болды
ESPN басылымының сарапшысы Сальвадор Родригес орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкиннің қарсыласының есімін атады.
08:28 19.04.2018
Басылымның мәліметінше, жеңіліп көрмеген қазақстандық боксшы Геннадий Головкин америкалық Ванес Мартиросянмен жекпе-жек өткізуі мүмкін.
31 жастағы боксшының ұлты — армян. Бала кезде құрлық асқан Ванес қазір АҚШ-тың атынан өнер көрсетеді.
2005 жылы әуесқойдан кәсіпқой боксқа ауысқан боксшы 40 жекпе-жек өткізіп, оның 36-сында жеңіске жеткен. Үшеуінде жеңілсе, біреуінде қарсыласымен тең түсіпті.
Соңғы жекпе-жегін 2016 жылдың 21 мамыр күні өткізген. Ванес Мартиросян Эрисланди Ларе жұдырықтасып, төрешілердің шешімі бойынша жеңіліс тапты.
Америкалық боксшы Фредди Роучтың қол астында жаттығады. Ал промоутері — Top Rank компаниясы.
Рейтингісі:
WBC — 2
IBF — 10
WBO — 2
BoxRec — 5
Әзірге Том Леффлер мен америкалық боксшының промоутері Дон Кинг жекпе-жек бойынша белсенді келіссөз жүргізіп жатыр.
Геннадий Головкин мен Ванес Мартиросян арасындағы кездесу Калифорния штатындағы Карсон қаласында орналасқан StubHub Center аренасында өтуі мүмкін.
Дереккөз: Qsport.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
