ФОТО: Еркебұлан Сейдахмет үшін алаңда маусым аяқталды ма?
Қазақтың «Мессиі» атанып кеткен жас футболшымыз Еркебұлан Сейдахмет инстаграм парақшасындағы жазбасына байланысты мән-жайды айтып берді.
08:45 20.04.2018
Естеріңізге салайық, бұған дейін Еркебұлан өзінің инстаграм парақшасында осы маусыммен қош айтысқанын жариялаған болатын.
Ал кейін Қазақстан құрамасының ең жас ойыншысы бұл жазбаға қатысты өз ойын білдірді.
- Инстаграм желісіндегі жазба мен үшін маусым аяқтағалғанын білдірмейді. Кейбір БАҚ өкілдері оны дұрыс түсінбеген болар. Бүгін аяғым жазылып, жаттығу жасадым. Алайда, жаттығу барысында сол жарақатымды қайта ушықтырып алдым. Дәрігерлер магниттік-резонансты бейнелеу жасады да тағы екі апта емделу керек деді. Бұйыртса, маусымның соңғы ойындарында алаңға шығып қаламын, - деді тараздық футболшы.
Айта кетейік, Еркебұлан Сейдахмет осы жылдың басында ресейлік «Уфа» клубына ауысқан болатын. Сонымен қатар, Қазақстан ұлттық құрамасына шақырту алып, Венгрия қақпасына гол соқты.
Дереккөз: prosports.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
