Баласы жоқ отбасы 32 жастағы жігітті асырап алды
Италиялық отбасы белорус жігітті асырап алған.
16:16 20.04.2018
Егде жастағы италиялық отбасы сот арқылы 32 жастағы белорусты ресми түрде асырап алды.
Жетім балаларды асырап алғандар табыс салығынан босатылады.
Италиялық отбасы жас жігітті 20 жылдан астам уақыттан бері таниды екен. 11 жасынан бастап ол жылда жазда чернобыльдық бағдарламалар бойынша демалуға Италияға барған.
Бала ер жеткеннен кейін де ерлі-зайыптылар қарым-қатынасты үзбей, оны қонаққа шақырып тұрған, тіпті өздері де Беларуське келіп жүріпті.
Жас жігіт жүк тасымалымен айналысады, сондықтан жұмыс бабымен Италияда жиі болады. Өздерінің баласы жоқ отбасы үшін ол туған ұлындай болып кеткен.
Белорустың өз отбасы мен балаларының болғанына қарамастан, италиялық ерлі-зайыпты заңды мұрагер қылу үшін оны ресми асырап алуды жөн көріпті.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
