ВИДЕО: Ораза ұстап жүрген христиан депутат көпті таңырқатты
Канада парламентінің депутаты Марк Холланд христиан болғанына қарамастан, осымен бірнеше жыл қатарынан қасиеттті Рамазан айында ораза ұстап келеді.
13:25 12.05.2018
Бұған қоса Канадалық депутат отандастарын ораза ұстауға шақырды.
2015 жылдан бері мұсылмандардың мүбарак айы Рамазанда ауыз бекітуді әдетке айналдырған Холланд, өзінің бұл әрекетін барша мұсылмандарға деген құрмет деп түсіндіреді.
Ол сондай-ақ, Рамазан айын ақша үнемдеу үшін үлкен мүмкіндік айы деп санайды. Оның ойынша, тамаққа жұмсайтын ақшаны қайырымдылық істеріне арнаған абзал.
Канада парламентінің отырысында осындай мәлімдеме жасаған Холландтың сөзіне таңқалушылар көбеюде.
Оның үстіне, Марк отандастарын өзінен үлгі алуға шақырып, тіпті оларды да мұсылмандармен бірге ораза ұстауға үндеді.
Видео авторы: Nour Nasser
Дереккөз: The Qazaq Times
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
