Үш жасар қазақ қызы Болгария байқауына жолдама алды

Үш жасар қазақ қызы Болгарияда өтетін халықаралық байқауға қатысатын болды. Қыздың есімі - Айару Амангелді. Ол сұлулар сайысына жолдаманы жеңіп алды. «Кішкентай мисс Қазақстан» байқауының жеңімпазы Айару Амангелді  сахнаға шығуға мүлдем сескенбейді. Модельдер мектебіне барып жүрген Айару өзінің қылығымен жұртты сүйсіндірді. Алматыдағы арулар байқауына 3-17 жас аралығындағы бүлдіршіндер қатысқан. Ұлттық киім, сән қойылымы, кешкі көйлек - үш кезеңде өткен сайыста Айару жеңімпаз атанды. Енді үш жасар Айару тек Теміртауды ғана емес, қазақ елін Болгариядада танытпақ.