Көкшетауда 10 айлық сәби менингит диагнозымен ауруханаға түсті
Көкшетау дәрігерлері нақты диагноз қою үшін сараптама нәтижелерін күтіп отыр.
14:50 01.06.2018
"Он айлық қыз 30 мамырда Біржан Сал ауданынан жеткізілген. Қазір жансақтау бөлімінде, жағдайы өте ауыр. Клиникалық белгілерге байланысты "менингококк инфекциясы" деген диагноз қойылды, бірақ әлі нақты расталған жоқ, сараптама нәтижесін күтіп отырмыз", — деді Ақмола облыстық ауруханасы бас дәрігерінің орынбасары Татьяна Бишораева.
Бала үш күн бұрын ауырып қалған. Кішкентай қыздың денесі бөртіп кетіпті. Анасы жақпа маймен емдемек болғанда, сәбидің хәлі нашарлап, жедел жәрдем ауруханаға алып кеткен.
"Бірден консилиум құрдық, республикалық дәрігерлермен кеңесіп отырмыз", — деп мәлімет берді дәрігер.
ДЕРЕККӨЗ: SPUTNIK
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
