Катамаран мен жүк кемесі соқтығысып, адамдар суға кетті
Катамаран мен жүк кемесі соқтығысып, адамдар суға кетті.
13:16 12.06.2018
Оқиға Волга өзенінің Волгоград қаласы жанындағы Голодный аралына жақын маңдағы жағалаудан бір шақырымдай жерде болды.
Катамаран мен екі баржа тіркелген жүк кемесі соқтығысып, катамаран аударылып қалады.
"Волгоградта катамаран мен баржа соқтығысып он адам қаза тапты, бесеуі құтқарылды, біреуі әлі табылған жоқ", — деп хабарлайды Ресейдің ТЖМ .
Деректерге сүйенсек, катамаранда 16 адам болған. Іздеу-құтқару шаралары барысында қаза тапқан он адамның денесі табылған, бір адам жоғалып кеткен,олардың кім екендері анықталып жатқан көрінеді.
Зардап шеккен бес адам, үш ер адам мен екі әйел ауруханада жатыр. Қазір олардың жағдайлары бір қалыпты.
Ресейдің Тергеу комитеті қылмыстық істің қозғалғаны туралы хабарлады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
