Әйелдің алты келі шашын ұрлап кеткен
Ресейдің Калининград қаласында ұрылар әйелдің алты келі шашын қолды қылды.
18:47 12.06.2018
Ұрылар енді ақша емес, әйелдің табиғи шашын да ұрлайтын болыпты. Сән салонында париктер мен шиньон жасауға даярлап қойған табиғи шаш қолды болды. Айта кету керек, табиғи шаш өте қымбат тұрады.
Белгісіз ұры түн ортасында сән салонына кіріп, алты келідей шашты ұрлап алған, - деп хабарлайды Телеграм Mash арнасы. Ол шаш парик жасауға жиналған екен.
Мамандардың айтуынша, ұрланған шаштың құны шамамен жарты миллион рубль тұрады. Салон қызметкерлерін таң қалдырғаны, ұры шаштан өзге басқа қымбат бұйымдарды алмапты, кассадағы ақшаны да, косметикалар мен техниканы да "менсінбеген".
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
