Танымал банкир Жомарт Ертаев мәлімдеме жасады
Ресейде ұсталған танымал банкир Жомарт Ертаев босқын мәртебесін сұрап, Қазақстанның азаматтығынан бас тартатынын мәлімдеді
10:39 14.06.2018
«Елшілікке Қазақстан азаматтығынан бас тартатыным туралы өтініш бердім. Себебі, Қазақстанда соттың әділ өтетініне сенбеймін. Сол үшін де осыдан 3 жыл бұрын Мәскеуге көшіп кеттім. Төлқұжатқа өтініш бергеніммен оның дайын болуы ұзаққа созылды. Енді босқын мәртебесін сұрап отырмын», – деді Ертаев.
Еске сала кетейік, 8 мамырда Мәскеу орталығындағы Москва-Сити бизнес-орталығының маңында арнайы жасақ сарбаздары қазақстандық банкир әрі кәсіпкер Жомарт Ертаевты ұстады.
Оған «Bank RBK» АҚ директорлар кеңесінің төрағасының кеңесшісі бола отырып, келісілген ЖШС-ларға 80 миллион доллар көлемінде банктік қарыз беруді лоббилеген.
Сондай-ақ, алған қаражаттарды алдағы уақытта қайтармау мақсатында әрекет еткен» деген айып тағылған.
Дереккөз: sn.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
