Есірткімен байланысты қылмыс үшін он адам өлім жазасына кесілді

Қытайда есірткімен байланысты қылмыс үшін он адам өлім жазасына кесілді. Қытайдың оңтүстігіндегі Гуандун провинциясында Шанвэй қалалық соты сенбіде есірткі қылмысын жасады деген он айыпталушыны өлім жазасына кесіп, үкім сол күні орындалды. Сотталушылардың есірткі өндірді, саудалады және тасымалдады деп айыпталғаны хабарланып отыр. Үкім жарияланғаннан кейін сотталушылар жазаны орындау орнына жеткізілген. Қытайда өлім жазасы Қылмыстық кодекстің он шақты бабында қарастырылған. Оның көпшілігі есірткі қылмысына байланысты баптарда.