ВИДЕО: Жоғалып кеткен футболшыларды 4 күн бойы іздеп жатыр
Таиландта әскерилер мен құтқарушылар жасөспірімдерден құралған футбол командасының ойыншылары мен жаттықтырушыны төртінші күн су басқан үңгірден іздеуде.
17:10 27.06.2018
Сыртқа шығатын жолға су тосқауыл болғандықтан, спортшылар іште қамалып қалған. Нөсер жауынның салдарынан Там Луанг үңгірлеріндегі су мөлшері әлі де көтерілуде. Биліктің айтуынша, іште жасөспірімдер командасының 11 мен 16 жас аралығындағы футболшылары мен 25 жастағы жаттықтырушылары қалып қойған.
Іздеу-құтқару шаралары төртінші күн жалғасуда, алайда әлі балаларды да бапкерді де таба алмай отыр. Олар жеті киллометрді құрайтын үңгірдің әлі су баспаған жеріне жасырынулары мүмкін.
Құтқарушылар үңгірлердегі суды сорумен айналысып жатыр. Водолаздар әр метрді тексеруде. БангкоктыңТехнологиялық университеті сол аймаққа қашықтан басқарылатын су асты апараттарымен және дронмен жабдықталған мамандарды жіберген.
Жас футболшылар сенбі күні жоғалған болатын. Олар таңертенгі жаттығудан соң жаттықтырушыларымен экскурсияға аттанып, кейін байланысқа шықпаған. Жақындары спортшылардың аяқ киімдері мен велосипедтері табылған үңгірдің алдын күзетуді жалғастыруда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
