Ескендір Сүлейменовті көлігімен қаққан жүргізуші ІІД бастығының қызы болып шықты
Астана қаласының Ішкі істер департаменті Олжас Сүлейменовтің немересі - Ескендір Сүлейменовті көлігімен қағып кетіп, өлімші еткен жүргізуші Қызылорда облыстық Ішкі істер департаментінің бастығының қызы екенін растады.
17:00 28.06.2018
Бұл туралы ҚазАқпарат хабарлайды.
«Мұхитованың әкесі ішкі істер органында еңбек ететінін, Қызылорда облыстық ІІД бастығы полиция полковнигі Қайрат Мұхитов екенін растаймыз», - деді қалалық ІІД-де өткен баспасөз мәслихатында департамент бастығының орынбасары Санжар Әділов.
Айта кетсек, Санжан Әділов күдікті ретіндегі жүргізушіге қатысты кепіл ретінде бұлтартпау шарасы қолданылған. Кепіл сомасы - 601 250 теңге.
Естеріңізге салсақ, 22 маусым күні Астанада жол апатынан Олжас Сүлейменовтің 26 жастағы немересі Ескендір Сүлейменов мерт болды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
