Биыл Қазақстан барысы жеңімпазы 25 млн теңге алады
Биыл «Қазақстан барысы» атану үшін 37 спортшы күш сынасады.
14:45 30.06.2018
Олар еліміздің 14 облысы мен үш қаласынан суырылып шыққан балуандар. Ал өткен жылы жарыс жеңіпазы атанғандар бәсекеге іріктеусіз қосылады.
Алтын белбеу иесіне берілетін қаржылай сыйлық қомақты. Бірінші орынға 25 миллион теңге, Ал бапкеріне 3 жарым миллион беріледі. Балуандар 29 маусым күні салмақ өлшейді. Ал байрақты бәсеке 1 шілде күні «Барыс Аренада» өтеді.
Айта кетейік, «Қазақстан барысы» республикалық турнирі биыл тоғызыншы рет ұйымдастырылып отыр. Келген көрермен де құр қол қайтпауы мүмкін. Өйткені жанкүйерлер арасында автокөлік ойнатылады. Алдағы уақытта аталмыш дода еліміздің басқа да аймақтарында өтуі мүмкін
- Амандық болса, биыл Алматы облысында, Талдықорған қаласында өткізетін жоспарымыз бар. Жалпы, біздің облыстар, әкімдер біз неге өткізбейміз деп сұрап жатыр. Сондықтан біз географиясын көңейтеміз. Тағы «Каспий барысы» деген жоба дүниеге келетін шығар, Каспий теңізі жағасындағы мемлекеттерге арналған, - деді «Қазақстан барысы» қорының төрағасы Арман Шораев.
Дереккөз: vesti.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
