Қазақстанда он үшінші ұлттық саябақ пайда болды
Тарбағатай саябағы Шығыс Қазақстанда орналасқан.
16:15 30.06.2018
Қазақстанда жаңа ұлттық табиғи саябақ пайда болды. Үкіметтің қаулысы туралы жаңалықпен орман шаруашылығы комитетінің баспасөз хатшысы Сәкен Ділдахмет бөлісті, деп хабарлайды .
"Шығыс Қазақстан облысы Үржар ауданында ҚР АШМ орман шаруашылығы және жануарлар әлемі комитетінің "Тарбағатай" мемлекеттік ұлттық табиғи саябағы құрылды", — деп жазды ол әлеуметтік желідегі жеке парақшасында.
Ұлттық саябақ аумағы — 143,5 мың гектар.
Қазақстандағы ең ірі ұлттық саябақ Қатон-Қарағай болып саналады, ол да Шығыс Қазақстанда орналасқан. Аумағы — 643 мың гектар.
Ал ең кішісі – Баянауыл ұлттық табиғи саябағының аумағын 68 мың гектар екен. Ол еліміздегі ең алғашқы саябақ – 1985 жылы ашылған. Жаңа ұлттық саябақ ауданы бойынша сегізінші орында тұр.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
