ВИДЕО: Әлемдегі ең бай адам анықталды

Amazon және Blue Origin компанияларының негізін қалаушы америкалық кәсіпкер Джефф Безостың дәулеті тасып - 150 миллиард долларға жетті, - деп хабарлайды Bloomberg.

2018 жылдың басынан бастап оның байлығы бір жарым есеге өскен. Оған себеп: Amazon акцияларының кенеттен өсуі. Сөйтіп акция бағасы  56 пайызға көтерілді. 

Осылайша Безос Билл Гейтстің 1999 жылы орнатқан рекордын шаң қаптырды. Сол кезде оның дәулеті қазіргі күнмен есептегенде 149 миллиардқа жеткен болатын.

Қазір Microsoft басшысы екінші орында тұр.

Ал үштіктің соңында - инвестор Уоррен Баффет.  

Bloomberg жазғандай, Безос қазіргі заман тарихындағы әлемде теңдесі жоқ бай адам болып саналады. 1982 жылдан бері Forbes журналының тізімінде оның әл-ауқаты дүниежүзіндегі көптеген елдің ЖІӨ-нен артық. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!