Денис Тен ауруханада көз жұмды
Сочи Олимпиадасының жүлдегері, мәнерлеп сырғанаушы Денис Тен қайтыс болды.
18:13 19.07.2018
Бұл ақпаратты Денсаулық сақтау министрлігінің баспасөз хатшысы Ернар Әкімқұлов растады.
«Өкінішке қарай, ол қайтыс болды», - деді ол.
Еске сала кетейік, бүгін спортшы ауыр жарақатпен ауруханаға түскен болатын.
Оқиға бүгін, 19 шілдеде шамамен 15.00-де Құрманғазы мен Байсейітова көшелерінің қиылысында болған. Оқиға куәгерлерінің айтуынша, спортшыны белгісіз адамдар пышақтап кеткен.
«Спортшы көлігінің айнасын ұрлап бара жатқан екі адамның үстінен түскен. Екі арада басталған жанжалдың нәтижесінде әлгі адамдар Денис Тенді пышақтап кеткен. Қазір күдіктілер іздестіріліп жатыр. Аталған дерек бойынша сотқа дейінгі тергеу жұмыстары басталды. Бұл жұмысқа барлық ІІД құрамы жұмылдырылды», - деді қалалық ІІД баспасөз қызметінен.
Ал дәрігерлердің айтуынша, Денис Тен ауруханаға өте ауыр жағдайда түскен.
Денис Тен - ҚР еңбек сіңірген спорт шебері, 2014 жылғы қысқы Олимпиада ойындарының қола жүлдегері.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
