ВИДЕО: Аю өзін фотоға түсірмек болған қызға тап берді
Канадада аю өзін фотоға түсірмек болған саяхатшы қызға тап берді.
16:55 27.07.2018
Осы елдің нөмір 93-ші тас жолында жүріп бара жатқан көліктің жүргізушісі оқыс оқиғаны камерасына түсіріп алды.Ханимун көлінің жанындағы Джаспер ұлттық саябағында бір топ туристер көліктерінен шығып, орманнан шығып келе жатқан аюды жайбарақат күйде фотоға түсіре бастады.
Бір уақытта аю өзін фотоға түсіріп жатқан саяхатшы қызға тап берді. Бейнежазбаға қарасаң, жабайы табиғатты жаны сүйетін саяхатшы жыртқыш аңға тым жақын келгенін көруге болады. Аю қызды қуып жетіп, бірақ соңғы сәтте кілт тоқтап, қайта бұрылып жүре берді. Қызды аяды ма, әлде... Не болса да саяхатшы қызды құдай сақтап қалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
