Павлодарда 10-қабаттан ер адам құлап, көз жұмды
Павлодар қаласында көп қабатты үйдің 10-қабатынан 38 жастағы ер адам құлап мерт болды.
17:00 28.07.2018
Облыстық ІІД-нің баспасөз қызметінің мәліметінше, оқиға Толстой көшесінде орын алған.
«Бүгін шамамен сағат 14.00-де оныншы қабаттан 1980 жылы туған ер адам құлап түскен. Аталған фактіге қатысты ҚР ҚК-нің 105-бабы бойынша сотқа дейінгі тергеу басталды. Сот-медициналық сараптама тағайындалды», - деді баспасөз қызметінде.
Еске сала кетейік, 24-шілде күні шамамен сағат кешкі бестің кезінде Тәуелсіздік көшесінде 11-қабаттан құлаған әйел адамның денесі табылды.
Облыстық денсаулық сақтау басқармасы баспасөз хатшысының мәліметінше, мерт болған әйелдің жасы шамамен 50-де. Оқиға орнына жеткен медицина қызметкерлері әйелдің сол жерде жан тапсырғанын айтты. Ол өмірмен сәйкес келмейтін ауыр жарақаттар алған.
Бұдан басқа, 11 маусым күні дәл осы үйдің 14-қабатынан 31 жастағы ер адам секіріп, көз жұмған.
Дереккөз: pavlodarnews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
