Жаңаөзенде 5 баласы бар ана есірткі сатумен айналысқан

Жаңаөзенде есірткінің ауыр түрлерін сатумен айналысқан көпбалалы ана ұсталды. Әйелге он жылдан 15 жылға дейін бас бостандығынан айырылу қаупі төніп тұр. Жаңаөзен қаласының тұрғыны «Көктем» ауданында 204 грамм есірткімен қолға түсті. Әйел бір ай бойы бақылауда болған. Ол есірткіні үйінде сақтаған. Тінту кезінде полицейлер оның аяқ киімінің ішінен жасырылған героин затын тапты. Күдіктіден барлығы 37 қалта есірткі тәркіленді. Іс сотқа жіберілді.