Қазақстандық қыз тоғызқұмалақтан Азия чемпионы атанды
Тоғызқұмалақтан Моңғолияда өткен Азия чемпионатында Қарағанды облысының тумасы бірінші орынды жеңіп алды.
14:53 03.08.2018
Қарағанды облыстық дене шынықтыру және спорт басқармасы басшысының орынбасары Рүстем Қожабековтің айтуынша, өңірде тоғызқұмалақ жан-жақты дамып келеді.
«Моңғолиядағы жарысқа 8 елден 250-ден астам спортшы қатысты. Облыс намысын Аңсаған Қожанасып қорғады. Біздің облыста спорттың осы түрінен республикалық жарыстардың жеңімпаздары бар, енді олардың қатарына Азия чемпионы да қосылды», - дейді ол.
Аңсаған қазір 17 жаста, тоғызқұмалақпен айналысып жатқанына 8 жылдан асты.
«Мен спорттың басқа түрімен айналысқан емеспін, маған тоғызқұмалақ ұнайды, ол логиканы дамытады», - дейді Аңсаған.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
