ВИДЕО: Рөлде отырған таксист ұйықтап кетті
Қытайдың Шэньчжэнь қаласында такси жүргізушісі автокөлікті жүргізген кезде бір минут бойы рөлде ұйықтап отырған.
16:40 04.08.2018
Ер адам көлік басқа бағытқа бұрылып кетіп, қоршауға соғылған кезде ғана ұйқысынан оянды.
Оқиға жүргізуші түнгі ауысымды аяқтаған кезде болды. Ол түні бойы жұмыс істеп, шаршағаннан ұйықтап кетуі мүмкін. Абырой болғанда, таңертең жолда көлік аз болғандықтан, оқиғадан ешкім зардап шекпеді.
Жүргізушінің рөльде отырып ұйықтап кеткені менеджерлер такси жүргізушілердің жұмысын тексеру үшін автокөліктегі камераны қайта қарап шыққанда белгілі болды.
Олар ондағы видеоны көріп жағаларын ұстады. Көлік жүргізіп отырып ұйықтап кеткен ер адам бұл әрекетімен қауіпсіз автокөлік жүргізу ережелерін бұзды. Енді ол қалалық такси жүргізушілер ассоциациясының қара тізіміне кіруі мүмкін.
Дереккөз: Stan.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
