Аурухананың дәретханасында босанып, шақалақты шелекке лақтырып кеткен
Қостанайда 27 жастағы қыз аурухананың дәретханасында босанып, шақалақты шелекке лақтырып кеткен.
11:00 13.08.2018
Бұл туралы ҚазАқпарат облыстық аурухананың бас дәрігері Юрий Моисеевке сілтеме жасап хабарлайды.
Оқиға Затобол ауданында болған. 27 жастағы қыз іш ауруымен емханаға жеткізілген. Ол аяғы ауыр екенін жасырғысы келіп, дәретханада босанған.
«Затобол селосының ауруханасына түскен қыз нәрестесін дәретхананың шелегіне лақтырып кеткен. Дәрігерлер дер кезінде сәбидің өмірін аман сақтап қалды. Қазір оның жағдайы бір қалыпты. Анасы өз нәрестесінен бас тартты», - деп хабарлады Ю.Моисеев.
Облыстық ІІД баспасөз қызметі аталған факт туралы ресми мәлімдеме жасаған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
