ВИДЕО: Көшедегі көлік Парламент ғимаратының қоршауына кіріп кетті
Көшедегі көлік Британ Парламенті ғимаратының қоршауына кіріп кетті.
16:57 14.08.2018
Таңетең Лондонның қақ ортасында оқыс жол апаты орын алды. Британдық парламенттің дуалына көлік соғылып қалды. Бірнеше жаяу жүргіншілер жарақат алып, екеуі ауруханаға түсті.
Полиция қызметкерлері жол апатына ұшыраған жүргізушіні ұстады.
«Қазіргі уақытта, біздің қызметкерлер біреудің өміріне қауіп көріп отырған жоқ. Қоршау тергеу біткенге дейін тұрады. "Вестмистер" метросы жабық» деп жазды Twitter-ге британдық полиция.
Апат жасаған көлік жүргізушінің неліктен апат жасағаны әлі белгісіз. Полиция қызметкерлері оның іс-әрекеттері қасақана болды деуден аулақ.
Дегенмен, тергеуді Скотланд-Ярдтың терроризмге қарсы бөлімі қолға алды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
