Азиада-2018: Нұрмахан Тінәлиев күміс жүлдегер атанды
Индонезияда өтіп жатқан Жазғы Азия ойындарында бүгін грек-рим күресінен ел намысын қорғаған аса ауыр салмақтағы Нұрмазан Тінәлиев күміс жүлдені жеңіп алды
02:00 23.08.2018
ҚР Ұлттық Олимпиадалық комитеттің баспасөз қызметі мәлім еткендей, грек-рим күресінен аса ауыр салмақта белдескен Нұрмахан Тінәлиев финалда өзбекстандық Момынжан Абдуллаевқа есе жіберіп, күміс жүлдені қанағат тұтты.
Белдесу 8:0 есебімен қарсыластың пайдасына аяқталды. Отандасымыз ширек финалда - Индонезия, жартылай финалда Жапония спортшысынан басым түскен болатын.
Осы орайда айта кетейік, Нұрмахан Тінәлиев 2010 және 2014 жылғы Азия ойындарының чемпионы атанған болатын.
Естеріңізге сала кетейік, осыған дейін грек-рим күресінен үш балуанымыз қола медаль жеңіп алған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
