Қостанай тұрғыны жұбайының ағасын пышақтап өлтірді
Қостанай облысының қылмыстық істер жөніндегі мамандандырылған ауданаралық сотында жұбайының ағасын өлтірген қостанайлыққа қатысты іс қаралды.
08:25 25.08.2018
Іс деректерінде көрсетілгендей, З. есімді азамат өзінің бұрынғы жұбайы азаматша К.-мен сөзге келіп қалады. Кейін азаматша К. ағасы Ж.-ны көмекке шақырады. Ер азаматтар арасында дау шығып, төбелес болады.
«Азамаша К. пәтерден шығып, қашып кетеді. Ал З. өзінің ойлаған мақсатын соңына дейін жеткізу үшін Ж.-ға пышақпен бір соққы жасайды. Жәбірленуші алған соққының салдарынан оқиға орнында көз жұмды. Күдікті З. қылмыс жасаған соң, оғиға болған жерден ізін жасырады, кейін полиция қызметкерлеріне ұсталады», - делінген облыстық соттың баспасөз хабарламасында.
Бүгін Қостанай облысының қылмыстық істер жөніндегі мамандандырылған ауданаралық сотында аталған қылмыскерге қатысты үкім шықты. Оған сәйкес, азамат З. ҚР ҚК-нің 99 бабы 1 бөлігі бойынша кінәлі деп танылды. Оған 14 жыл бас бостандығынан айыру жазасы кесілді.
Үкім заңды күшіне енген жоқ.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
