Алматылықтарды Қала күнімен құттықтауға әйгілі LMFAO дуэті келеді
Аты аса танымал америкалық дэнс хип-хоп LMFAO дуэті қала тұрғындары мен қонақтарын Қала күнімен құттықтау үшін Алматыға келеді.
15:30 25.08.2018
Музыканттар Redfoo (and the Party Rock Crew) шоуымен Қала күніне арналған «B-DAY PARTY» жобасының Гала-концертінде 16 қыркүйекте «Almaty Arena» сахнасында өнер көрсетеді.
Олармен қоса, сахнада өзге де арнайы шақырылған қонақтар: Градусы тобы, «Hammali & Navai», Мальбек пен Сюзанна т.б. өнер көрсетеді.
Сонымен қатар, сол күні қаланың барлық алаңдарында ойын-сауық бағдарламалар ұйымдастырылады: ҚР Тұңғыш ПРезиденті саябағында, Панфилов көшесінде, Almaty Arena алдындағы алаңда, Жібек Жолы көшесінде, Абай алаңында және «Астана» алаңында, Орталық Мәдениет пен демалыс саябағында, Көк-Төбеде «AЛМА FEST» қалалық алма фестивалі өтеді, Есентай өзенінің бойында заманауи өнердің «ARTBAT FEST» халықаралық фестивалі өтеді, Жібек жолы көшесінде кілем бұйымдарының жәрмеңке-көрмесі ұйымдастырылады, ОМжДС-да - VII халықаралық «ALMATY GARDEN SHOW» бау-бақша фестивалі, ал «Астана» алаңында «Red Bull ALMA FMX JAMS» мотофристайлға қатысушылар шоу өткізеді.
Қала күні мерекесі сағат 21-00-де «Астана» алаңындағы отшашумен аяқталады.
Еске сала кетсек, Алматы қаласының күніне орай 100 астам іс-шара жоспарланып отыр. 25 тамыздан - 30 қыркүйек аралығында өтетін мерекелер тізімін мына жерден қараңыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
