Сочи әуежайында ұшақ өртенді

Ресейдің Сочи қаласында Boeing 737 ұшағы отқа оранды. Салдарынан бір адам қаза тауып, 6 адам жарақат алды. 160 адам эвакуацияланған. Ресми дерекке сүйенсек, ұшақ ұшып-қону жолағынан шығып кетіп, өртене бастаған. Апат орнына келген мамандар қызыл жалынды бір сағаттың ішінде ауыздықтап үлгерген. Өртті сөндіруге 5 аранайы техника жұмылдырылған. Зардап шеккендердің барлығы да ауруханаға жеткізілді. Апатқа қолайсыз ауа райы себеп болуы мүмкін деуде. Тергеу жұмыстары жүргізілуде.