Головкин-Альварес реваншы алдында өтетін шаралар белгілі болды
Қазақстандық Геннадий Головкиннің промоутері Том Леффлер GGG - «Канело» реваншының алдында өтетін іс-шаралар туралы айтты.
13:20 04.09.2018
Бұл туралы Sports.kz хабарлады.
«Боксшылар сейсенбі күні келеді, ал баспасөз мәслихаты сәрсенбіге жоспарланған. Екі іс-шара да жұртшылық алдында өтеді. Салмақ өлшеу рәсімі T-Mobile Arena-да жұма күні болады, ол да ашық түрде ұйымдастырылады. Біз керемет айқас аптасын өткіземіз деп жоспарлап отырмыз. Бокста кепіл деген болмайды, бірақ GGG мен «Канело» арасындағы жекпе-жек тамаша болмақ», - деді Леффлер.
WBA/WBC/IBO тұжырымдары бойынша орта салмақтағы әлем чемпионы Геннадий Головкин мен Сауль Альварестің жекпе-жегі 15 қыркүйекте Лас-Вегастағы T-Mobile Arena-да өтеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
