Головкин мен Канело салмақ өлшеу рәсімінде төбелесе жаздады
WBC, WBA (Super) және IBO тұжырымдары бойынша орта салмақта әлем чемпионы қазақстандық Геннадий Головкин мен мексикалық Сауль "Канело" Альварес жекпе-жек алдында көз арбасу рәсімін өткізді.
09:45 15.09.2018
Қазақстандық боксшы Геннадий Головкин (38-0-1, 34 КО) мен мексикалық Сауль Альварес (49-1-2, 34 КО) жекпе-жек алдындағы міндетті салмақ өлшеу рәсімінен өтті.
Головкиннің салмағы 159,6 фунтты (72,39 келі), «Канело» - 159,4 фунтты (72,3 келі) көрсетті.
Салмақ өлшеуден соң боксшылар бір-бірін көзбен атысты. Мұның соңы жақсылыққа соқтырмады. Олар төбелесуге шақ шақ қалды. Альварес Головкиннің маңдайына дейін жақындады, осыдан кейін мексикалықтың бапкерлері итерісіп, промоутерлер мен оққағарлар төбелестің болуына жол бермеді.
Головкин - Альварес екінші жекпе-жегі Лас-Вегастағы T-Mobile аренасында Астана уақыты бойынша 16 қыркүйекте таңертең өтеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
