Жойқын дауыл 4 млн адамның өміріне қауіп төндірді
Бұл сұрапыл желдің жылдамдығы сағатына 255 шақырымға жеткен.
13:27 16.09.2018
Мангхут деп аталатын жойқын дауыл Филиппиннің солтүстік-шығысында Кагаян провинциясындағы Баггао қаласының астан-кестеңін шығарды.
4 миллион адам қауіп төнген аймақта қалып отыр.
Көптеген электр желілері істен шығып, жүздеген үйлердің шатырларын жел ұшырып әкеткен. Ағаштар құлап жатыр. Көлік қозғалыстары тоқтап қалған.
Абырой болғанда, Филиппин билігі дер кезінде мыңдаған тұрғындарды эвакуациялап үлгерді. Оларға алдын ала арнайы жабдықталған орталықтар дайындалды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
