Молдова президенті биліктен шеттетілді
Молдавияның Конституциялық соты (КС) ел президенті Игорь Додонның құзыреттілігін уақытша тоқтатты.
09:50 25.09.2018
Бұл туралы сот төрағасы Михай Поалелунжь мәлімдеді.
Бұған дейін елдің премьер-министрі Павел Филип Додонға екі жаңа министрдің кандидатурасын бекітуге ұсыныс жіберген болатын. Ол денсаулық сақтау, еңбек және әлеуметтік қорғау министрі ретінде Сильвио Радты, ауыл шаруашылығы және аймақты дамыту министрі ретінде — Николай Чубукты тағайындауды ұсынды.
Додон бұл үміткерлерге қарсылық танытты.
«Премьер қайта ұсынған министрлердің кандидатурасын бекітпегендіктен президент уақытша отставкаға жіберілді», — деді КС судьясы Поалелунжь.
Дереккөз: Baq.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
