Атырауда көлік қағып кеткен 4 жасар баланың жағдайы ауыр
Атырауда жол апатына ұшыраған 4 жасар бала әлі жансақтау бөлімінде жатыр.
09:12 27.09.2018
«Бала жансақтау бөлімінде жатыр. Оның омыртқасы, оң жақ жамбасы сынып, қарнына кеудесіне және миына зақым келген. Бала әлі жансақтау бөлімінде жатыр. Жағдай ауыр бірақ тұрақты»,-деп хабарлады Атырау облыстық балалар ауруханасының бөлім меңгерушісі Сергей Хван.
Қазіргі таңда болған оқиға бойынша қылмыстық іс қозғалды.
Еске салайық, жол-көлік оқиғасы өткен сенбі күні қала маңындағы ауылдардың бірінде орын алған. Қатты жылдамдықпен келе жатқан көлік жаяу жүргіншілерге арналған жолдың алдында тұрған адамдарды соғып өтті. Қолына 3 жастағы баласын ұстап тұрған 37 жастағы әйел інісін итеріп үлгерген. Алайда ол да соққы алды. Әйел оқиға болған жерде қаза тапты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
