Илон Маск Tesla компаниясынан кетті
Бұл туралы Нью-Йорк соты мақұлдаған.
14:57 17.10.2018
Tesla компаниясының бас директоры Илон Маск пен АҚШ-тың Бағалы қағаздар және биржа жөніндегі комиссиясы арасында қыркүйекте жасалған бітімді бекітті. Келісім шарты бойынша, Илон Маск 45 күн ішінде Tesla компаниясының директорлар кеңесінің төрағасы қызметінен кетеді.
Ол бұл қызметті үш жыл бойы атқара алмайды. Бизнесмен бас директор қызметінде қала береді. Ол Tesla компаниясының рұқсатынсыз компания атынан маңызды мәлімдеме жасай алмайды.
Сондай-ақ ол 20 миллион доллар айыппұл төлеуі керек. Бұдан бөлек Tesla Масктың барлық мәлімдемесін, соның ішінде әлеуметтік желілер арқылы жариялағандарын бақылайтын арнайы адамды жалдайды. Енді кәсіпкердің жазбалары модерациядан өтіп отырады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
