Ақтөбеде автобуста туған жанжалдан жолаушы көз жұмды
ЖШС «Автопарктің» хабарлауынша, 15 қазанда №29 маршрутте екі жолаушы бір-бірімен сөзге келіспей қалған.
11:13 22.10.2018
Ер адам оларды сабырға шақырған. Автобустың ішінде жанжал шығармай, сыртқа барып сөйлесулерін өтінеді.
«Сол сәтте ер адам орнына отырып қалған. Басқа жолаушылар ер адамның жүзі сұрланып кеткенін байқайды. Бірден алғашқы көмек көрсетіп және жедел жәрдем шақырған. Оқиға орнына жеткен дәрігерлер автобустан жолаушылардың барлығын шығарып, ер адамды құтқарып қалу үшін қолдарынан келгенін жасайды. Алайда жолаушы қайтыс болып кеткен. Сол сәтте автобус аялдамада тұрған. Ішінде 15 жолаушы болған.», – деп жазады «Автопарктің» өкілі Руслан Жылқаманов.
Оқиға орнына марқұмның інісі келген. Оның айтуынша, 61 жастағы ер адам жақында ғана инфаркт болып, ауруханадан шыққан екен.
Дереккөз: sn.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
