Сұлулық байқауында жеңіске жеткен ару есінен танып қалды
Miss Grand International - 2018 сұлулық байқауының жеңімпазы нәтижелерді жариялаған кезде өз есімін естіп, есінен танып қалды.
Фото: m.viendongdaily.com
01:28 27.10.2018
Әлемнің 80 елінің өкілі үш апта бойы осы титулға таласқан еді.Miss Grand International-2018 сайысының ақтық сынына Индия өкілі Минакши Чаудхари және Парагвай өкілі - Клара Соса жеткен. Жеңімпазды жариялайтын сәт келгенде жүргізуші сәл кідіріп, арулардың толқынысын одан әрі өршіткен. Осы кезде қобалжып тұрған парагвайлық ару өзі жеңісін ести салысымен сахнада есінен танып қалған.
.jpg)
Ұйымдастырушыларға есінен жоғалтқан сұлуды оятып, марапаттау рәсімін жалғастыру үшін бірнеше минут қажет болған. Айта кетейік, бас жүлде - 40 мың доллар мен ұйымдастырушылармен бір жылдық келісімшарт табыс етілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
