Елімізде 337 мың теңге зейнетақы алатындар бар
Бірыңғай жинақтаушы зейнетақы қорының төңірегінде өрбіген алып-қашпа әңгімелерге бүгін нүкте қойылды.
11:34 01.11.2018
Қордағылар, керісінше, жиналған ақша жыл басынан бері 623 миллиард теңгеге ұлғайғанын жеткізді. Елімізде ең төменгі зейнетақы мөлшері 15 273 теңге. Орташа төлем - 20 179 теңге. Ең қызығы, Қазақстанда 337 059 теңге алатын зейнеткерлер бар екен. Қордағылар бұл ең жоғарғы әрі рекордық зейнетақы мөлшері екенін айтады.
Сондай-ақ, ұйым басшылары осы мекемеге қатысты жалған ақпарат таратып, елді дүрліктірген адамдар заң алдында жауап береді дейді. Зейнетақы қорының басшылары табан ақы, маңдай теріңізбен тапқан табысыңыздан ұсталатын міндетті төлемдердің жағдайына еш алаңдамауға шақырды. Тек бейнеттің зейнетін көру үшін ай сайын қорға аударылатын қаражатыңызды бақылап отырсаңыз болғаны.
Ал, зейнетақы қорындағылар 337 мың теңге алатын адамдардың құпия түрінде қалғанын жөн тауыпты. Толығырақ мына жерден көре аласыздар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
